Et neadersassisk of sassisk is een westgermaanske taal, dee döär so'n dree miljoon meansken espröäken wördt. Der is geen standardform vöär et sassisk, et besteyt üüt verskillende dialekten.
Et sassisk wördt vöäral espröäken in et noordelike deyl van Düütskland, wår de taal steavast platdüütsk enöömd wördt, en in et noordoustelike deyl van Neaderland (in de provincys Grönningen, Drente en Oaveryssel; de gelderske kontreien de Veluwe en de Achterhook; Stellingwarv in et süüdousten van Freeskland; en Urk in Flevoland). Ouk buten Europa binnen der gemeynskappen dee een sassisk dialekt pråten, de belangrykste binnen et plautdietsch (in heyl Amerika) en et oustpommersk (in Brasilie).
